Из дворян; сначала он ходил в одежде крестьянской из деревни в деревню и безмездно помогал в работе крестьянам, потом проповедовал веру Христову язычникам Пермской губ.; скончался в 1642 г. Св. мощи его в Верхотурском монастыре.
русскийславянскийглас 4Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о богомудре Симеоне! Избави нас, к тебе прибегающих, от всяких бед, просяще податися всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Чтуще же ныне честных и многоцелебных мощей твоих пренесение, новый целебниче, вси мы вопием: слава Давшему тобою всем исцеление!
Слава
глас 4Наста днесь всечестная память новаго целебника праведнаго Симеона, созывает же люди в пречестный храм святаго Божия архиерея Николая, идеже радостно сошедшеся благочестивых множества, весело празднуют пренесение честных и многоцелебных мощей твоих праздник. Ты бо явился еси граду нашему и всей Сибири врачевство безмездное, подавая исцеление с верою приходящих к тебе, Симеоне всеблаженне! Но яко имеяй дерзновение ко Владыце Христу, Того моли спасти град и люди, молящияся тебе, паче же ходатай буди ко Господу во дни нашествия печали рабом твоим, да зовем ти: радуйся, Сибирстей стране похвало и утверждение граду нашему.
Величание
Ублажаем тя, святый праведный Симеоне, и чтим святую память твою, ты бо молиши за нас Христа Бога нашего.
Молитва
О, святый и праведный Симеоне, чистою душею твоею в небесных обителех в лике святых водворяяйся, на земли же телом твоим нетленно почиваяй! По данней ти благодати от Господа молитеся о нас, милостивно призри на нас многогрешных, аще и недостойне, обаче с верою и упованием притекающих ко святым и цельбоносным мощем твоим, и испроси нам от Бога прощение согрешений наших, в няже впадаем множицею во вся дни живота нашего, и якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иныи иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако, твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь.
