Воин; за веру Христову после мучений был брошен в огонь; здесь тело его осталось невредимым и было после погребено христианами, в 372 г.
русскийславянскийглас 4Крест Христов, яко некое оружие, усердно восприим, и к борению врагов притекл еси, и за Христа пострадав, последи огнем священную твою душу Господу предал еси, отонудуже и даров исцеления от Него сподобился еси прияти, великомучениче Никито. Моли Христа Бога спастися душам нашим.
Слава
глас 2Прелести посек державу стоянием твоим, и победы прием венец во страдальчествех твоих, со ангелы славне радуешися, Никито тезоимените, с ними Христа Бога моля непрестанно о всех нас.
Величание
Величаем тя, страстотерпче святый Никито, и чтим честная страдания твоя, яже за Христа претерпел еси.
Молитва
О Великий страстотерпче Христов и Чудотворче Великомучениче Никито! припадающе к святому и чудотворному образу твоему, подвиги же и чудеса твоя и многое сострадание твое к людем прославляюще, молим тя прилежно: яви нам смиренным и грешным святое и многомощное твое заступление: се бо грех ради наших не имамы свободы чад Божиих, еще о потребах наших Господа и Владыку нашего дерзновенно просити: но тебе молитвенника к нему благоприятнаго предлагаем и о твоем предстательстве взываем: испроси нам у Господа благопотребныя дары душам и телесем нашим: веру правую, спасения надежду несомненную, любовь же ко всем нелицемерную, во искушениих мужество, в злостраданиих терпение, в молитвах постоянство, душ и телес здравие, земли плодоносие, воздуха благорастворение, житейских потреб довольство, мирное и благочестное на земли житие, христианскую жития кончину и добрый ответ на страшнем судище Христовем. Еще же, о страстотерпче Христов, у Царя небеснаго испроси святейшему патриарху нашему мир, здравие и спасение, и на враги победу и одоление, всему же богохранимому епископату благоустроение, тишину и благоденствие. Христолюбивому воинству буди соратай и помощник на враги и всем людем православным яви твое святое заступление: болящыя исцели, скорбящыя утеши, бедствующим помози: Ей, угоднице Божий и мучениче долготерпеливый! не забуди святую обитель твою и вся живущыя в ней и подвизиющыяся инокини же и мирския, но поспеши им в смирении и терпении носити иго Христово и от всяких бед и искушений милостивне избави. Всех убо нас приведи в тихое пристанище спасения и наследники сподоби быти пресветлаго царствия Христова Святыми твоими молитвами: да славим и поем великия щедроты Отца и Сына и Святаго Духа, в Троице славимаго и покланяемаго Бога и твое святое заступление во веки веков. Аминь.
