глас 8Ангелов лицы благоговейно Тебе служат, и вся Небесныя силы немолчными гласы Тя ублажают, Богородице Дево, усердно молим Тя, Владычице, да пребудет Божественная благодать на честней иконе Твоей Державней, и светозарный луч славы чудес Твоих да нисходит от нея на всех, с верою Тебе молящихся и вопиющих Богу: Аллилуиа.
Слава
глас 8Взбранной Воеводе победительныя песни приносим, яко даровася нам держава Твоя, и ничесоже устрашимся, не от мира бо спасение наше, но Превознесенныя Владычицы милосердием ограждаемся и тому днесь радуемся, яко прииде Заступница на стражу земли Своея.
Величание
Величаем Тя, Пресвятая Дево, Богоизбранная Отроковице, и чтим образ Твой Святый, имже точиши исцеления всем с верою притекающим.
Молитва
