Сын св.Александра Невскаго; отличался благочестием, кротостью и миролюбием, перед кончиной (в 1303 г.) принял схиму.
русскийславянскийглас 4Княжения твоего славу отложив, озаряемый Божественною благодатию, Богомудре княже Данииле, весь разум в сердце от суетнаго мира сего к Зиждителю неуклонно возложил еси, и яко звезда на востоце Российскаго государства просиял еси, целомудрием же и равноангельным твоим житием течение добре совершая, веру соблюл еси непорочну. Тем и по смерти прослави тя Бог в чудесех, яко источаеши исцеления верно притекающим к честней раце твоей; сего ради днесь празднуем успение твое людие твои. Ты же, яко имаши дерзновение ко Христу, моли спасти отечество твое, и мирней быти державе наследия твоего.
Слава
глас 4Избранный Богом от чресл родительских и воспитанный от младенчества в законе Господни в мужа совершенна и промыслом Вышняго, именитаго града Москвы наследие княжества прием, верен строитель благочестивым людем твоим показался еси, Богоблаженне Данииле, ихже образом своим наставляя и поучая заповедям Господним выну, путем, ведущим в живот вечный, присно шествуя, Небеснаго Царства достигл еси, идеже со ангельскими водворяяся лики, поеши Богу: Аллилуиа.
Величание
Ублажаем тя, преподобне отче наш княже Данииле, и чтим святую память твою, ты бо молиши за нас Христа Бога нашего.
Молитва
