Обретение мощей блгвв. кнн.Феодора Смоленского, и чад его Давида и Константина, Ярославских чудотворцев

05-March

Перенесение мощей в соборную церковь Спасо-Преображенскаго Ярославскаго монастыря в 1464 г.

глас 8
Яко звезды многосветлыя от юности возсиявше, осветили есте сердца верных пренесением честных мощей ваших, во плоти, яко ангели, на земли показастеся, пощением насаждени бысте, яко дре­ва, при водах воздержания, напоени струями слез ваших, и скверну омысте. Сего ради явистеся приятелища Божия Духа, Феодоре, и Давиде, и Констан­тине, молите Христа Бога, спастися ду­шам нашим.

Слава

глас 8
Богомудренно преселистеся, святии, во град, присно добродетельми цветущий, в жизни сей приносяще Богови плоды благи, преподобне Феодоре и блаженне Давиде с Константином славным, и явистеся, яко многоцветущая райская древеса жизни и яко многосветлыя звезды, в мире сияюще благодатию, в добродетели исправивше жизнь свою, и сего ради получисте живот вечный на Небесех. Темже благодарственно вам зовем: радуйтеся, всемирнии светильницы и граду нашему Ярославлю великое утверждение.

Величание

Величаем вас, святии благовернии князие Феодоре, Давиде и Константине, и чтим святую память вашу, вы бо молите за нас Христа Бога нашего.

Молитва