Родом из Корельскаго края, подвижник начала 17 в., на берегу Синичьего озера основал монастырь; был убит при разграблении обители в 1612 г.
русскийславянскийглас 1От юности вперив ум свой к Богу, блаженне Евфосине, и бегая суеты мира сего, достигл еси в пустыню непроходимую, идеже Богу тя укрепляющу, ангельское житие стяжав, поработал еси довольно Владыце твоему Христу в пощении и молитвах и во всенощных бдениих и сподобился еси дара Духа Пресвятаго, еже прорицати будущая, наставляя на стезю покаяния притекающих к тебе и послушающих тя. Темже Всеблагий Бог, видя великую твою к Себе веру, нелицемерную любовь и несумненную надежду, дарова тебе, не точию еже веровати в Него, но и еже страдати по Нем, егда от противных сынов в тойже пустыни кровь твоя нещадно излияся, и доселе, якоже Авелева, вопиет к Богу, свидетельствующу о сем нетлением мощей твоих, в няже взирающе умильно вопием: слава, Даровавшему тебе Благодать толику, Егоже и моли о нас.
Слава
глас 8Подражая житию древних отец, Богомудре Евфросине, возненавидев мира сего красоту, вселился еси в пустыню, и веру Христову, якоже щит, в сердце свое прием, изшел еси, добр воин Царя Небеснаго не на брань противу плоти и крови, но на брань противу козней невидимаго врага. Темже даровавшейся тебе Духа Святаго Благодати, глубоким смирением твоим низложил еси вознесенную того гордыню, и приял еси от Небеснаго Дарователя неувядаемый венец победы. Сего ради сошедшеся любовию вопием ти: радуйся, отче Евфросине, пустынное украшение.
Величание
Ублажаем тя, преподобне отче Евфросине, и чтим святую память твою, наставниче монахов и собеседниче ангелов.
Молитва
