Угодил Богу подвигами монашеской жизни и заботами о бедных, несчастных и больных; скончался в 1633 г. Св.мощи его в Троицкой Лавре.
русскийславянскийглас 3Земная, прельщающая очеса миролюбцев, возненавидел еси, отче Богоносне Дионисие, за уметы та вменив, шествуя путем скорбным, и в терпении добр воин Христов явился еси, победив страсти мира, был еси до кончины непоколебимый благочестия поборник. Темже мы днесь, совершая священную память твою, духовными тя песньми ублажаем и смиренно молим, да, предстоя Престолу Господа Бога, ходатайствуеши о спасении душ наших.
Слава
глас 6Свет Трисиянный, вселивыйся в душу твою, сосуд избран показа тя, вещающа Божественная людем, исповедник Божия Слова явился еси, и прилагающих Божеству вещественный огнь явственно обличил еси, и злословных смыслы, яко паучинное прядение, растерзал еси, благочестия столп и забрало твердое мирови показался еси и сего ради от Вселенскаго Патриарха похвален был еси. Мы же благодарными гласы, веселящеся, вопием ти: радуйся, отче наш, Дионисие преподобне.
Величание
Ублажаем тя, преподобне отче Дионисие, и чтим святую память твою, наставниче монахов и собеседниче ангелов.
Молитва
