Преставление в 1299 г.; родом литвин, язычник; крестился в 1265 г.; отличался благочестивою и добродетельною жизнью.
русскийславянскийглас 4Иже отчее нечестие возненавидев, преблаженне княже Довмонте, и нощи страстныя избег, еже к идолом тщание, прииде мыслию к Солнцу славы — Христу, озарився благодатию Божественнаго Крещения, и ныне во свете Пресвятыя Троицы предстоя, моли Христа Бога сохранити и спасти православныя люди и град твой от безбожных агарян, и латин нашествия, и междоусобныя брани и спастися душам нашим.
Слава
глас 8Любовию Христовою уязвися, преблаженне княже Довмонте, ум вперив зарею Духа, идольскую прелесть отеческаго нечестия возненавидев, порождением Святыя Купели Тимофей наречен еси, слезами и милостынею ко Христу присвоився, и жизни сей течение добре скончав, веру непорочну соблюд, и ныне молим тя: моли Пресвятую Троицу и Пречистую Богородицу за град Псков и за всех, притекающих к раце мощей твоих, избавитися нам от всяких зол, да тебе вси, яко тепла заступника, непрестанно почитаем.
Величание
Величаем тя, святый благоверный княже Довмонте, и чтим святую память твою, ты бо молиши за нас Христа Бога нашего.
Молитва
